Berhemên dîrokî di bin navê ‘parastinê’ de dixin bin betonê

Li warê dîrokî yê Heskifê gelek berhemên dîrokî di bin navê ‘Parastinê’ de dixin bin betonê

Talankirin û wêrankirina warê dîrokî Heskifê tevî hemû nerazîbûn û bertekan dîsa didome. Li warê dîrokî Heskifê ku di bin bendava Ilisu de dimîne, warên dîrokî di bin navê ‘Parastinê’ de ser wan tên betonkirin. Xebatên betonkirina warên dîrokî didome. Heta niha li Heskifê warên Dirkî yên wekî turbeya Zeynelbey, Hemama Artuklu, Zeviya Mela Abdullah, Deriyê navîn, Bloka Rojhilat û Rojava ya Mizgefata Eyyubî, Diwarê Bakur û Başur ê Mizgefta Eyyubî, Mizgefta Suleyman, Deriyê tac, ji cihê wan rakirin û birin cihê din. Li aliyekî warên dîrokî ji cihê wan radikin dibin cihê din û li aliyê din ava bendavê dibe gol û gelek warên dîrokî û şûnwar di bin avê de dimînin.

Niha jî warên dîrokî yên cihê wan nayê guhestin di bin navê ‘Parastinê’ de ser wan tên betonkirin.